台南紐約時尚攝影之旅Day 3

10月6日

颱風「柯羅莎」登陸台灣，據說係百年來第四個登陸台灣既颱風(其他都係路經)，全台灣經濟生產停頓，市民停工停課，街頭橫風橫雨，樹木倒塌，山泥傾瀉，死傷慘重~

我地揀10月去影相就係因為10月好少打風，點知「貴人出門招風雨」，咁罕見都比我地撞到...... 唉，真「黑仔」！

呢個颱風仲要奇奇怪怪，行得勁慢，郁下停下，中間仲變埋路線，搞到雨勢風勢持續強勁.......

邊到都唔去得，唯有stay o係酒店~

房間名稱叫「碧海藍天」，面積都幾大，裝飾好有Bali feel。有可落紗既公主床，同Bali feel既横躺sofa。房裏有Karaoke，又有免費電影睇，所以打風果兩日未至於悶死！

房裏竟然有個小花園~

Bathing area分為3大區：Sit bath & massage area、雙人按摩浴缸同普通淋浴區~ 淨係沖涼都有排玩！

藤製梳裝枱~

小花園其實面積好細，但總好過冇喇！

「辦公」既地方都裝飾得幾靚丫！

沐浴用品勁齊備~ 連漱口水、牙線、洗面膏、makeup remover、Gel都有齊！！！

哈哈，o係梳裝枱發現左呢個盒，原來裏面收埋左d好「鬼馬」既野~

房裏面有LCD電視同音響系統，間房勁隔音，半夜3點唱K，出面走廊一樣聽唔到~ 勁！！！

哈哈，床上面有個禮物盒，拆開先知道係「震動T-back」，一條裝有震動器既T-back~

全間房既電器(TV、hi-fi、冷氣)同燈光，都可以用呢個black control控制哂，真係方便！

早餐酒店包既就話送到上房門口啫，Lunch同Dinner都唔包，打落服務台一問先知間Motel原來冇餐廳架！

Our breakfast~ 都幾精美丫！

我地冇理由唔食野架嘛，唯有冒住生命危險出去「搵食」喇！

雖然帶左遮出去，但一開就「反遮」，所以我地由得雨淋就算！漫無目的咁o係街上走，終於比我地搵到「緊有一間o係附近」既7-11喇！！！

從未試過o係7-11「豪買」，我地掃左成HKD $300野飲野食，再亡命奔跑番酒店~

7-11既戰利品~

當「食」既問題解決左後，我地開始擔心咁既天氣能唔能夠如期影相......