vanvan2: 台南紐約時尚攝影之旅Day 2

旅遊資料 -- 高鐵

由於我地由台北前往高雄，所以選搭今年新開既高鐵。以高速火車既價錢來計，高鐵真係算平，NT $1490單程(約HKD $360)由頭站「台北車站」搭到去終點站「左營」，全程兩個小時。班次都幾密，但乘搭人數唔算多，所以個人建議到站先買票比較穩陣，一來預訂唔會話平左，價錢都係一樣，二來唔洗驚趕唔切miss左班車嘛！

台灣高鐵網站：http://www.thsrc.com.tw/tw/index.htm

高鐵位置都幾舒服，活動空間比飛機經濟客位多好多！車箱、廁所都好乾淨衛生，真係幾ok架！

車箱環境

除左搭高鐵來回台北<-->高雄外，我地回程由台北去桃園機場果程都係搭高鐵再轉shuttle bus，比傳統路線搭「飛狗巴士」到機場要預早出門既時間少好多(以前搭「飛狗巴士」驚塞車，所以至少要預早3個鐘頭起程)。由「台北車站」搭高鐵到「桃園站」只需20分鐘，花費NT $160/人，出閘後再轉搭站外既shuttle bus(NT $20/人)，約15分鐘就到桃園機場喇！由出門口果刻到機場都唔洗一個鐘頭，勁快！個人覺得搭railway行車時間準時，比較容易control時間，唔洗怕塞車嘛，所以好多當地人都用呢個方法搭去機場~

10月5日

上晝11:30am由「台北車站」出發，1:30pm準時到達「左營站」~

到左高雄「左營站」喇！

「左營站」車站大堂

o係度不得不讚「紐約時尚」(下簡稱NY)比好多台北公司都做得好，佢地既package包括機場接送(我地唔係搭飛機來，所以變左去高鐵站接我地)。未出閘前，老遠已經見到佢地個staff(冇記錯好似叫阿朱)拎住個名牌等我地~哈哈，拖住兩個半身咁高既行李喼，係人係鬼都知道一定係我地兩個喇~

阿朱接左我地後就幫我地拉行李去停車場上公司車。渣車既司機係個男人，我地d行李鬼咁重(1個17kg，另1個20kg)，佢落手落腳幫我地託哂上車尾箱。初頭我地以為佢係「2打6」，但當佢自我介紹話係「王經理」時(幾個鐘頭後我地先知道原來佢係老闆)，我地都受寵若驚，覺得佢地都算「唔話得」，搵個經理來接我地~

由「左營站」去NY舖頭都幾遠，雖然差不多全程highway，但都要成個鐘頭。唔知道由高雄機場去會唔會快d呢?!由於接近晏晝食飯時間，所以o係車上阿朱都驚我地肚餓，「喇喇林」打電話番舖頭叫人買定lunch比我地~

一到舖頭，全部staff都走來同我地打招呼，仲「喇喇林」遞上午餐比我地! 哈哈，當正我地係上賓咁，搞到我地有d唔好意思~

是日午餐：

第一次食台灣便當，紙盒包裝，幾環保。雖然係便當，但豬扒煎得幾香幾「淋」，都幾好食。飲品係超大杯珍珠奶茶~ d珍珠比香港d有咬感(佢地當地話比較「Q」)，正！

豬扒煎得幾香、幾「淋」~

揀衫篇

食飽飽後，大約3pm，我就開始選禮服喇~

未去NY前，我已經上佢地網睇哂d sample，剪低哂我鍾意既禮服、景點同喜歡既Style相片，所以揀禮服時我即刻show比禮服小姐睇我鍾意邊d衫。

老闆娘Tiffany(王經理個太太)好好人，開哂兩橦舖比我任試任揀(佢地有橦新舖o係NY對面，叫「求愛工坊」)~ Total有四層既禮服比我揀呀！！！超多選擇~~~

禮服小姐(我好後悔冇問佢個名，睇番張單佢個名既簡寫係CK)超好人！除左拎我剪低既禮服比我試外，仲不停咁拎d佢覺得岩我身型既禮服比我試。由新舖試到去舊舖，由3pm試到差不多7pm，哈哈，不停換衫，試到連Jay都唔記得我邊件打邊件，最後決定著一套就影一張相方便比較~

禮服小姐超好禮貌，就算我試左咁耐都一路笑容滿面，所以成個試衫過程我都好開心！！！NY d禮服比ViVi既選擇多好好好多倍，而且件件都好新淨架！

前短後長婚紗，著到我好矮~ 另外果件長拖尾幾靚，但中間露左d肉出來，有d奇怪~

粉紅色A-line幾靚、幾details，但我著得唔好睇...... 可能我個樣好childish既關係掛?！黑色「兩件頭」gown，見人影出來好型架！但我著到突哂個肚南出來，所以唔揀得！

呢幾件係初步揀選左既禮服！禮服小姐跟住就帶我去隔離橦「求愛工坊」繼續揀過~

紅色呢條裙就咁睇係好grand、好歐洲feel，但著o係我個身度，又係有「細路偷大人衫著」既感覺...... 淺粉紅layer紗裙好靚呀！一試就愛上了，亦揀左來影相！

紫色ball gown好grand、好公主feel呀！又係must choose item~ 黃色呢套「兩件頭」都好靚架，但心口開左個「窿」，所以冇身材show quali既我最後都「忍痛」out左呢套~

呢套金色禮服好靚，但係拎「A grade」既我又係徙左個cutting~

桃紅色裙上半身既cutting好靚，但個尾就...... 好怪！徙哂~ 銀色+黃色layer紗裙勁match我既style！成功入圍~

銀色晚裝幾靚架，衰在我冇乜身材~ 粉藍色ball gown都幾靚，可以進入2nd round~

青綠色禮服既details位影相唔係好「出」，out~ 黑色晚裝又係冇身材就carry唔到，out~

啡色ball gown cutting幾靚，但隻色好似著得我老左少少~ 終於輪到試婚紗喇！呢件婚紗cutting麻麻，out得~

左邊果套婚紗都幾靚，但個胸位唔係好fit身~ 右邊果套上半身好靚，但下半身就「突顯」哂我個大pat pat，著到我好肥呢~

左邊果套好有希臘女神feel，腰位係see through架，好sexy~ 右輪果套cutting好好好靚，最鍾意手脾都有珠珠造裝飾，成功入選！

黑白色婚紗都係第一次見，好型！但影婚紗相揀黑色好似唔係咁好...... 黃色A-line睇homepage好多新娘都著過，但現場試上身就麻麻~

幾經辛苦先決定到著邊7套禮服後，就輪到Jay試衫喇！由於我地已經帶左好多唔同顏色既恤衫來，仲有兩套男禮，所以雖然NY提供番7套衫比Jay match我，但我地都決定唔試咁多，揀多左4套男禮就算~ 哈哈，實情係我地兩個試衫試到好疲倦，冇乜心機試落去呢~

溝通篇

試完禮服就同攝影師阿豪溝通，阿豪外表好young，我地一一講比佢聽想拍既景點同感覺，佢就好用心一邊聽、一邊做筆記。哈哈，當我地拎出o係香港帶過去d道具比佢睇時，佢都不停讚d道具好「得」！仲幫我地諗埋pose、o係邊d場景用添！o係溝通既時候，我地都覺得阿豪好搞笑，正式拍攝時應該幾識得令我地放鬆~

嗚嗚......由於我地訂左高雄既酒店，travelling time比較長，所以王經理唔suggest我地影泳池景呢...... 所以冇得好似另一個網友咁影水低相了~ 有點失望！

NY幫我地set左暫定行程會係 8/10 墾丁 ==> 9/10 七股鹽山

飲飲食食篇

由於我地太多行李既關係(我地「喼中喼」咁帶左個細喼專係放影婚紗相既道具、衫褲鞋襪果d)，所以王經理叫我地放低個細喼o係NY度，咁就唔洗將要用既野搬來搬去喇~

搞掂哂後，王經理就車我地去食晚飯喇！哈哈，今餐仲有佢太太Tiffany同一個好可愛既神秘嘉賓添~ 你地估唔估到係邊個呢?！