台北薇薇婚紗攝影之旅Day 2

10月12日 天灰灰，睇來都冇機會影到藍天白雲lu...... 化妝篇 8am準時到ViVi化妝~ 過馬路時有野吹左入我隻眼，我係咁「率」眼都整唔番出來，隻眼勁唔舒服，仲紅哂添！化妝師青靖知道就叫我唔好再「率」，仲搵左支眼藥水幫我滴添呀！佢真係好pro架，連眼藥水都準備埋o係身邊！！！勁貼心~ 青靖首先幫我fit哂當日要著既咁多套衫，睇下有邊件唔岩身可以「啦啦聲」改番，跟住就開始化妝啦~ 果朝仲有個女助手幫我手卷頭髮，青靖就專心負責化我個妝~ 青靖化個妝真係勁勁勁靚，又薄又貼~ 我之前影過另外兩間公司，又o係香港試過幾個MUA，咁多個MUA當中青靖手妝係最得既！！！ 化完妝，青靖就幫我拆左d髮卷開始set頭。佢set第一個頭時，我仲未同佢講我鍾意乜野style既髮型，所以1st style係佢幫我design既~ 起初，我同Jay都唔係咁鍾意個髮型，覺得唔係咁靚....... 但原來6個髮型中，影相出來係1st個頭最靚、最襯我！因為青靖會就番我既面型來design，所以我鍾意既髮型雖然係靚，但就未必襯我既面型，出來效果當然冇幫我「度身訂造」果個影出來效果咁靚呢~ 因為我首先會去兒童樂園，青靖睇哂我咁多套衫就suggest我著條colourful d既裙去，所以就揀左著橙啡色果條民族feel既裙去~ 青靖仲拎左個同條裙係一set既頭飾比我添~~~原來個頭飾係佢自己整架，用條裙既碎布自己設計！好勁呀！！！哈哈，最搞笑既係原來個頭飾個底係用胸pad來整，青靖話咁樣個頭飾會輕好多，咁都比佢諗到，真係好叻女呢！！！ P.S.o係青靖幫我化妝set頭既途中，個女助手基本上係幫下手執頭執尾。Jay帶左好多恤衫來，但放o係喼度搞到皺哂，諗住叫個女助手幫手熨直佢。但青靖有d惡咁同我講番：「我個女助手唔係負責熨衫架！」，仲話我地應該來試衫時比埋個禮服小姐整喎......但個禮服小姐小Q好衰呢，除左識得黑面，就乜都唔同我地講......好彩，個女助手好好人呀，都肯幫Jay「啦啦林」熨下d恤衫~ 我地都唔記得問佢叫乜名呢，但真係好多謝佢咁好人呀！各位未影既姊妹，記得去到試衫果日放低d恤衫比個禮服小姐熨呀！ 我自己o係卓悅買左1盒12支(1ml/支)$165HKD既安瓶「法國嬌麗收毛孔精華」去果邊，諗住應該夠用，但青靖話用哂咁多支都唔夠，要另外加多兩支($500台幣/支，但佢地d安瓶係大支好多，好似一支有成2-3ml)，所以suggest我幫佢買果兩支茶o係我塊面度，哈哈，Jay就用cheap野! 算喇~ 之前好多姊妹都話「避」唔過點都要買少少當tips，青靖算好好架喇，淨係叫我買2支~ 聽其他搵梁總監化既姊妹講，至少要買6-10支架！ 青靖幫Jay化妝都好ok呀！！！幫佢遮哂d暗瘡，佢勁滿意呢！ 化好妝後，我地就出發去ViVi附近既兒童樂園影相！青靖呢個時候唔會跟我出去，佢會o係ViVi執定出外景時會用到既野，好似我d頭飾、頸鏈、耳環果d。臨出去前，青靖問我有冇d乜style既頭飾係特別唔鍾意，我就「啦啦林」show d samples髮型相佢睇，同她講我鍾意邊d髮型~ 其中一個頭會用到條鏈吊o係個頭度，青靖同助手就o係我地出去影兒童樂園時好努力咁番箱倒櫃咁幫我搵條岩style既鏈，佢地真係好好呢！！！ 外景篇 1.兒童樂園 入場費係$30台幣/人。可能我地去果日落雨，加上天灰灰咁，所以成個兒童樂園都冇乜人。第一個景點就係旋轉木馬，$20台幣/人玩一次，我諗個木馬都係轉2-3分鐘左右，所以詹Sir同助手Harry都要求我地好快手咁轉pose，務求o係有限既時間影到多d相。 影左冇耐，音樂就停左lu，木馬既職員好惡咁話我地已經坐左一次、要我地即刻落來......詹Sir硬住頭皮笑笑口咁「死lur」個職員話影多兩張就ok，佢真係好pro呀！ 可能係我同Jay平時唔夠膽去騎木馬(都牛高馬大，仲點敢明正言順去同d細路爭丫)所以，影木馬時我地笑得特別開心，哈哈，揀相時都唔捨得cut木馬d相呢~ 兒童樂園真係一個影相熱身既好地方，新人可以一路玩、一路影，d相出來笑得好自然呢！但可惜既係果度就來要拆lu，鄧經理話佢細細個時已經成日去玩，果度好舊，要拆左來起其他野咁話。未影相既姊妹真係要快手呢，如果唔係拆左就冇得影lu~ 影完木馬，我地就o係入面既公園仔影相。詹Sir話之前打風，呢度個公園仔既花仲多過士林官邸果d，話士林官邸d花打風吹luck哂喎~ 最後就行去摩天輪執邊影左幾張相就走人，摩天輪唔洗入去影架，可以慳番d錢~ 之後搭番的士番ViVi轉妝換衫，拎埋其他野就出發去其他地方lu~ P.S.我地book左帶青靖出街，但坐果架只係的士，唔係7人車~ 架車個車尾冇車尾箱，但就變左一個座位+少量位置for擺影相用具+衫咁，青靖就係全程屈坐o係個咁狹窄既位度，真係辛苦哂佢呢~ 全日我地大約用左10個鐘頭車，司機叔叔應該比左折我地，租車費淨係收我地NT$3500咋~ 2.打鞦韆條小溪同個湖仔 番到ViVi，青靖好快手咁幫我轉妝轉髮型，我換左套紅色晚裝出去~ 搭左大約40分鐘車左右，就到左影湖邊打鞦韆既地方。助手Harry同我地講，果度個瀑布叫「聖人瀑布」(唔知我普通話有冇聽錯呀~)原本想影埋上面個瀑布，但詹Sir話呢幾日落雨，小溪既水位比較高，我地要行過條小溪先過到去上面既瀑布，怕我地一個唔覺意sin腳跌落水就會好危險，所以叫我地放棄唔好去呢~ 雖然冇得影瀑布，但都可以影到我想影既小溪、湖中打鞦韆，我地都好滿足呢！ 由於我地去到時有另外一pair ViVi新人o係度影緊小溪，所以我地要o係度等，等佢地影完籐空個位我地先有得影~ 就o係呢個等「埋位」既時候比蚊咬左好幾啖！好彩青靖勁細心帶左止痕膏出來，茶左先冇咁痕咋！所以姊妹們幾得帶埋蚊怕水去呀！！！仲要最好帶埋對靚靚平低拖鞋去，方便行d又濕又污糟既泥路~ 小溪d水好清涼，雖然多數時間係坐o係石頭上面影相，但個身都會濕哂，有d涷呢~ 詹Sir原本想叫我地訓o係d溪水上影相，但就怕我地會涷親感冒所以冇嗌我地咁做。唉呀，佢如果早d同我地講，我地一定會做呢，最緊要影出來靚丫嘛~ 影完小溪又係要等，因為頭先pair人而家罷住個千秋影緊相......如果早一步到就唔洗徙哂d時間等「埋位」呢~ 去影千秋時要先換上潛水著既靴，連詹Sir同Harry都要換，因為行去個湖度有d好滑既石頭，著左對鞋就可以防滑。詹Sir好好人呀，行去湖既途中要禽高禽低，佢全程陪住我，拉我上上落落，以防我跌親，佢自己條褲搞到濕哂都冇得替換，而助手Harry就負責睇住Jay。當日佢地除左做攝影師外，仲做埋body guard保護我地影相途中既安全添，所以全程我地都冇穿冇爛、平平安安~~~ 影鞦韆呢個景一定會濕哂下半身，搞到我條裙尾好重，郁都郁唔到呢，所以多數高難度動作都係由Jay做~ 個鞦韆吊o係樹上真係幾穩陣，我地真係企o係上面都唔淋，好好玩！ 影完相，詹Sir同Harry仲要收番個鞦韆落來先走得。原來個鞦韆係ViVi佢地架，每次影呢個景時要隨掛隨收~ 等我仲咁白癡o係度諗邊個咁好整個鞦韆o係度比人影婚紗相..... 離開小溪時我地全身濕哂，荒山野嶺又冇廁所換衫，但ViVi真係好pro！！！呢個時候司機叔叔拎左一個站立式帳蒿出來，比我地捐入去換衫！個帳幕都可以企到兩個人架，我同青靖兩個人企o係裏面都夠位~ 好快手咁換左underwear(一定要每人帶多2條出去，濕左冇得換真係好唔舒服架！）同下一套衫 -- 淺藍色bell shape傘裙，之後就上車去下一個目的地 -- 萬里~ 3.萬里希臘feel白色牌坊 + 風車 上車冇耐，詹sir就問我地兩個會唔會暈車浪~ 原來由小溪去萬里果~50分鐘路程，係會經過一段好長既山路，條路真係好似打機咁勁S勁彎，轉到我地頭都暈埋。但我地死都唔敢合埋眼訓覺，因為當日天氣好cloudy，成日落住雨，o係山上面仲勁大霧，能見度<5米，真係勁驚架車跌落山呢！！！ 轉到頭暈眼花，終於到左「白色牌坊」啦！哈哈，但現場睇個牌坊都唔係好白，有d舊，可能影相出來唔多覺既~ o係呢個景點影相，都係要消費既，每人買杯野飲就得架啦，~$100台幣一杯左右啦，我地total買左6杯野飲，用左$600台幣~ 呢度聚集左好多pair新人，ViVi當時仲好似total有3-4 pair人o係度影緊相添！所以都出現等「埋位」既情況，呢個時候就可以轉妝轉頭啦！我發覺原來詹Sir control時間好好呢，我聽到佢同青靖講仲有10分鐘，意思係她剩低10分鐘可以幫我轉造型，避免我地浪費太多時間~ 詹Sir 好似每個景點可以用幾多時間都計算在內，好pro呢！！！ 我地帶左好多小道具，帽呀、風車、花花果d，o係呢度就全部拎哂出來影呢~ 雖然冇藍天白雲，但加左呢d小道工，我地d相睇落起碼唔會咁「灰色」呢~ 臨離開風車上前車，青靖帶我去換衫，換衫既地點原來係o係個風車入面，哈哈，好搞笑~ 今次就換上紫色既娃娃裙，轉埋髮型，就上車前往下個目的地 --「轉角遇到愛」果面colourful牆壁~ 4.「轉角遇到愛」果面colourful牆壁 上車冇耐就落車，話咁快就到左呢面牆，牆既顏色真係好sharp、好靚，岩哂天氣唔好既時候影，等d相有番d顏色同開心既感覺~ 佢地叫呢個景點叫「轉角遇到愛」，話有套台劇o係呢度取過景喎~ 5.野柳泥黃色石頭岸邊 影完「轉角遇到愛」後，上車冇耐就到左野柳既石頭岸邊啦！我問青靖點解見唔到個「女王頭」，佢話入去「女王頭」果度要另外比入場費架，而且除左多左個頭外，就同我地而家個景差唔多，所以o係呢度唔洗錢影下就ok架啦！哈哈，太好啦，又慳番d錢！ 我著住對high heel o係呢度都幾難行，一來落雨搞到d石頭好滑，二來石頭表面好斜，所以要詹Sir同Harry幫手扶住我先可以上上落落~ 詹Sir叫我坐o係d石頭上面，跟住露條肥腿出來......我試左好幾次先坐得穩，因為d石頭好斜，個人會sir落下面，好難hold住個pose又平衡到~ 原本影完石岸會去路經既「出水口」影，但去到時落勁大雨，所以詹Sir都係建議我地skip左佢~ 嗚嗚，好失望呢！因為我地好鍾意呢個景點，見人地o係果度影拋花瓣既相好靚呢！

6.三芝Bossa Nova貝殼餐廳對出個海灘 唔經唔覺，原來已經影到成3點鐘，我地仲未食飯添！真係辛苦哂ViVi既攝影團隊同司機叔叔呢~ 由於時間唔係好容許我地搵個地方坐低慢慢食，詹Sir就話去路經既7-11換衫轉造型，順便買個便當o係車上食~ 由於會去海灘影相，詹Sir叫我轉白紗造型。o係我地換緊衫既時候，Harry已經好快手咁買哂我地既便當啦！我地堅持比番錢佢都唔肯收，真係多謝佢請我地食野呢！哈哈，o係車度拎住個飯盒食得津津有味，我地都係第一次~ 真係難為ViVi既攝影團隊日日都食無定時，仲要食埋d咁冇營養既野~ 辛苦哂佢地啦！！！ 4點鬆d，到左Bossa Nova~ 詹Sir「啦啦林」拉我地出去影相，因為佢怕會好快天黑！出面落緊雨，o係海邊冇遮冇掩，真係好鬼死涷呀！！！ 咁既天氣，我都預左日落唔會有「鹹蛋王」影，但估唔到衰到落大雨啫！詹Sir同Harry唔顧自己身勢，陪我地一齊淋雨，我地都唔敢咁慢動作，盡量配合佢地既指示！ o係海灘好多高難度動作要做~ o係拉白紗扮漂逸時，連青靖都要過來幫手拉紗，佢都係一樣著得好單薄呢，真係辛苦佢呀！！！ 雖然全日天氣都唔好，影相時都落住雨，但詹Sir都冇發過我地脾氣，更冇鬧過我地半句~ 係唯獨詹Sir示範左好幾次點樣將我抬上膊頭時，Jay都get唔到點做時，詹Sir先比較惡d！我地都知道佢唔係想鬧我地，只係有時佢做野比較心急啫~ 除左我地影到訓哂落水外，詹Sir都一樣爬低o係水邊拎角度影相，佢都一樣成身濕哂~ 青靖仲將我bf件男禮外套讓左比我保暖，佢自己就比風吹...... 呢d都係令我地好感動既地方，我地覺得ViVi既攝影團隊真係用個心出來幫我地影相，當我地係朋友咁照顧我地~ 成個過程我地都好似去玩咁，好enjoy、好開心！(ViVi其他服務人員既態度真係同佢地差天共地！所以影完後，我地只會多謝4個人：詹Sir、青靖、助手Harry同司機叔叔！其他人please Fuck off~) 玩到濕哂，涷死人呢，當然要換番件新晚裝啦！Bossa Nova真係專for新人來影相，樓上仲pro到有個化妝間同changing rooms添！化妝間仲有電掣，青靖仲帶埋風筒同電髮卷幫我set過哂個頭添~~~今次換上全日最後既一套晚裝 -- 銀色閃片旗袍款小拖尾裙~ 青靖話好似未見人著過，話可能係新架喎！ 條裙心口開左個好大既窿，上圍細d都著得唔好睇~ 得30AA既我，幸得青靖既幫忙，先叫做有d「野」睇~ 真不敢想像如果我冇帶她出去or帶左個男MUA出去會點...... 青靖o係我心口左拔右拔，加多兩個pad後，連Jay都「O」哂嘴！哈哈，呢$1500真係比得好值得~ 佢除左幫我轉造型外，仲幫我換衫、幫我整靚「咪咪」個shape，仲擔埋遮，直情係我地個褓姆咁~ 我真係好建議大家如果有burget剩可以帶埋MUA出去~ 換好衫都天黑lu，所以飲杯熱飲暖下身後，影埋玩煙花既相就要走人喇！ P.S.去Bossa Nova影相，每人最少都要叫杯野飲，我地5個人total用左NT$900，我個人建議叫熱飲會好d，因為落水影完相咁涷，飲杯熱飲冇咁容易冷親~ d煙花原來係冷涷煙花，即係d火花就算彈到我地都唔會熱、唔會燙傷，哈哈，Harry仲叫我地放隻手去比火燒，真係冇感覺架！最衰我同Jay身高差太遠，所以佢隻手比我長好多，用煙花畫左好多次都係唔圓，極其量都係似憜圓型~ 7.「美人嶼」示範單位 -- 歐洲式建築 離開Bossa Nova到淡水都好快，15分鐘度就到啦！之前o係網上見過好多人去一度歐洲式建築影夜景，詹Sir話果度係樓盤「美人嶼」既示範單位，去影相都係唔收錢！！！又慳番呢~~~ 但想去影相既姊妹要快手，鄧經理話幾個月後就會拆左果度來起樓架啦~~~ 8.淡水情人橋 影完「美人嶼」就去附近既情人橋影相，好快咁去橋底影幾張就搞掂走人~ 去最後一個目的地 -- 圓山圓型光管行人隧道~ 9.圓山圓型光管行人隧道 o係相入面睇覺得條隧道好似好型咁，原來去到現場睇又冇咁既感覺~ 不得不驚嘆攝影師既magic hands真係犀利！ o係呢度影相，詹Sir冇再要求我地一定要四萬咁口笑啦~ 可以cool cool地扮型影相~ 哈哈，對於影左成日相勁疲倦既我地來講，唔笑扮cool真係一份優差！ 影到差不多9pm~ 我地終於完成全日既行程番到ViVi啦！！！真係好多謝攝影師詹Sir、助手Harry、造型師青靖既照顧！！！另外，亦要o係度多謝無名司機叔叔，佢真係好好笑容，又識講笑話，落雨時仲會拎遮比我地，又幫我擔遮！

台北薇薇婚紗攝影之旅Day 1

我終於番到來香港啦！！！10月4日到台南果邊另外一間公司影相，點知打風，好彩影相時天氣仲可以，諗住個風過後10月12日去薇薇(ViVi)影時會好天啦~ 點知天氣都係未穩定，所以冇得影藍天白雲lu，有少少失望呢...... 好，等我詳細報告一下行程啦~~~

10月11日

旅遊資料：
我地朝早10點搭高鐵由高雄左營番台北，全程兩個鐘頭，訓陣就好快到~ 12點到台北車站，拎住兩個超大喼去酒店check-in。我book既酒店「麗敦精緻旅店」係一間boutique hotel，o係捷運「芝山站」隔離，出閘後行2分鐘就到，同ViVi身處既民權西路站隔左3個站，所以去ViVi都幾方便~

房間有按摩浴池、歐洲feel既床，價錢都係~HKD$500一晚，都ok架！！！

我同bf最鍾意佢地可以online booking(唔洗預先比錢、唔洗留credit card資料，淨係填名+email address果d basic資料，去到check-in先比錢/look card)。

仲有佢地check-in時間係1pm，我地12點鬆d去到都可以比我地拎房，所以幾岩揀2pm去ViVi試衫既姊妹呢~ 我同bf去過3-4次台灣，個人覺得比起「東龍」、「一樂園」、「天成」呢d傳統酒店來講，「麗敦」既價錢差唔多，但質素比傳統酒店要好，將會去ViVi影相既姊妹可以考慮下呢~~~

http://www.reedon-hotel.com/about_ch.php 

ViVi揀衫篇
之前聽已經o係ViVi影左相既同事講，話一定要book到2pm試衫，原因係：2pm打後d靚衫就會比人揀哂！

所以我早成個幾兩個月前去ViVi「做功課」，因為淨係「做功課」時先可以約試衫時間。分店經理秀玲姐仲問我點解咁早做功課，哈哈，我當然冇答佢真正原因啦~

先講述一下我同事之前同我share揀衫時要注意既小tips先：

1. 一定要hold 2pm既試衫時間(好似我上面咁講，2pm果lock時間既新娘已經揀哂d靚衫，其他剩低果d真係......)

2. 一定要叫佢開VIP區你揀(如果你join package時張involve有寫先可以喎)，因為佢地真係好少靚衫揀

3. 有理冇理都叫禮服小姐拎你鍾意既衫掛左去你試衫果格度先，因為掛左去你個架度，你試唔岩，先會放出來比其他新娘試。

4. o係ViVi/verywed網上download自己鍾意既靚衫相，去到即時show比禮服小姐睇，邊套出左街、邊套有o係度，佢都可以即時話你聽，慳番好多時間！

5. 最最最緊要叫老公仔唔好打機！！！因為我個同事就係因為老公o係佢換衫其間顧住打機，條裙比隔離個新娘拎左去試都唔知...... 事緣佢普通話可能唔係好識講，試完後除左換第二件再試，但冇話明唔要喎，可能禮服小姐以為佢唔岩，隔離個新娘見佢著得咁靚，又話想試下就比人「偷」左啦！！！我同事試左幾件都係覺得第一件試既最靚，點知隔離個新娘又confirm左喎，冇得要番！哈哈，佢咪狂丙佢老公，話佢打機打到比人偷左件衫都唔知呢~~~

6. 試完除非勁唔ok，否則都要跟禮服小姐講：「這件ok呀，要先留著！」，如果唔係，恐怕又會有偷衫事件~

我1:45pm已經去到ViVi，我bf仲話我洗乜咁早到，我就話佢：「你知乜野丫，一陣試完你就知點解」~ 由於早左15分鐘到，所以可以早dd入去揀衫~ 早dd就係果dd架啦，佢地晚裝好似得3-4排，5分鐘應該夠掀哂、睇哂d款，其間見到有岩既，就要叫禮服小姐拎起。

我個禮服小姐短頭髮，肥肥地，但好cool，完全冇笑容，又唔welcome to serve，好被動......(之後番黎上網問其他影左既姊妹，佢地話個禮服小姐叫小Q喎~)

我雖然好乖咁帶哂我鍾意既裙款比禮服小姐睇，但係10件有8件都出左街or洗緊，剩低o係ViVi d eg真係好唔得，仲要得好少選擇，我好想要件黃色既晚裝，但禮服小姐話一件都冇at that moment......我就拎張單出來，同佢講：「我join package時說可以去VIP區選禮服，我想去睇下VIP區d禮服」。

點知禮服小姐話：「你的單上寫全部拍照區禮服可以任選不另收費，這裏就是拍照區囉~ 單上寫的意思是你可以在這裏任選禮服！」我同事之前都可以去VIP區揀衫，果度d衫新d、靚d，係專for佢地租比當地人結婚時著，所以我join package時先會特別request佢地比我任選......

我雖然好努力同禮服小姐講我join時造型師梁總監明明應承左我VIP區都可以揀，但佢地最後仲出動埋in-charge來同我講，叫我「你慢慢揀啦，我地拍照區有好新衫，你實揀到岩你既！」但明明就係佢地d新衫/靚衫出哂街，所以我都因為呢件事谷住道氣成晚，覺得好似比人捉字蚤厄左我咁...... 所以我建議去ViVi影相既姊妹，去前要問清楚秀玲姐，等佢再寫清楚o係張單度，到時佢地就冇得「瀨」！

爭吵左一陣，見到有另外一pair人來揀衫，我都知道我再浪費時間同佢地嗌都冇用，所以我用勁快速度「立」左幾套我覺得比較ok既衫去自己個架度。另外果個新娘初時掀起過一條晚裝讚幾靚，諗住睇哂成排衫先揀，哈哈，我都睇中左，「啦啦林」叫bf走去拎起佢~ 聽到果pair人(都係HK人)o係度話：「E.....比人拎左啦！真係要睇岩就拎！」哈哈，我諗佢地果刻肯定勁想打我~

o係幾分鐘既「搶」衫戰後，全場最ok既晚裝都比我搶左，哈哈，跟住就開始試衫啦~ 之前我同事講話試衫時可以影相，但禮服小姐就話唔比影相！真係唔明點解隔左1年時間，佢地就多左咁多restriction，搞到我同bf都試得好唔開心，每次要compare邊套好d、心大心細時都要著多一次出來......

揀完晚裝後，我先開始揀婚紗，因為婚紗全部都係白色，只不過係style有d分別，所以就算人地拎左你鍾意果件，都總會有類似既style可以代替。因為冇打算影studio，所以婚紗我只係揀左一件比較輕身既A-line拖尾款，裙尾有條好長既輕紗，o係海灘影相時就可以玩隨風漂紗既效果呢~

另外，我揀左5套晚裝：
1. 紅色娃娃裝
2. 紫色娃娃裝
3. 淺藍色bell shape layer裙
4. 銀色全身閃片旗抱款小拖尾裙
5. 橙啡色民族feel bell shape裙

用左一個鐘頭左右就揀哂我d禮服，跟住服務小姐鄧經理就帶我bf去隔離既男禮舖頭試男禮。ViVi會提供2個款3隻色(黑、白、灰)既男禮，可從中揀兩套，我地好快已經揀定要「白色燕子尾」同「黑色平口」西裝。雖然個sales想拎另外要加錢既style比我地試，但我地唔想徙佢時間，亦唔想徙自己時間，於是好直接咁同佢講話唔洗，因為我地自己帶左裏面既背心+豬腸呔。用左唔洗15分鐘就試好禮服+度身，跟住試埋白鞋size，total唔洗20分鐘就走得呢！男仔揀衫真容易~~~

鄧經理話8:30pm攝影師詹Sir應該ok，可以同我地溝通，叫我地夜晚8:30pm再番黎ViVi同詹Sir傾下~ 另外，我o係香港已經book左化妝師青靖化妝+出街，但鄧經理話青靖之前仲有pair人要化，所以我會係2nd 9:30am先開始化妝。我問鄧經理可唔可以提早少少化妝呢，佢好好人咁話會安排下、睇下可唔可以轉到果pair新人比其他化妝師化，如果ok既我就可以8am開始化妝，但得唔得就要今晚先答覆到我~ 哈哈，都仲叫有個希望丫！

鄧經理幾好人架，(後來揀相時先知道佢係奸架！）又好笑容，仲教我地去ViVi附近條小食街--晴光商圈食野添！

我身後果個市場就係晴光商圈，裏面有d賣小吃既舖頭，亦有賣乾貨既商舖

o係一間叫「茶太屋」既台式飲品店買左杯好好飲既鳥龍奶茶。果度既飲品仲有唔同甜度可以選擇~

我最鍾意食既臭豆腐

溝通篇
夜晚8:30pm我地準時番到ViVi同詹Sir見面，但鄧經理話佢仲幫pair新人影緊studio，叫我地等一陣佢影多幾張就會過來。

o係esdlife d姊妹成日講話佢好惡，有時仲會鬧人，我地仲擔心聽日影相時會比佢鬧穫金既添！

大約等左15分鐘，終於見到詹Sir啦！哈哈，佢個人都幾nice架，講野語氣好正常，一d都唔惡，只不過係講野、做野既efficiency都好快啫，我地先放鬆番少少咋~

P.S.詹Sir入黎時成身煙味呢~ 哈哈，唔鍾意煙味既姊妹搵佢影相可能要忍下啦~ 佢出去影相時煙癮起雖然會食幾支，但唔會對住我地噴，所以影響都唔係好大！而且，我地都覺得佢嗒住支煙一路影、一路chur幾啖時個樣好搞笑，佢食住煙既時候好似仲影得特別起勁添！！！

詹Sir一來到首先畫左個台北地圖比我地睇，仲寫明熱門攝影地點既位置大約o係邊度、行車時間大約幾耐咁，等我地有個初步既了解~ 跟住我地就show自己做既preparation畫簿出來，入面show左我地想影既景點既相片，詹Sir呢個時候仲做埋天氣報道員，同我地講聽日天氣大約會係點，去萬里就應該會多雲冇藍天，去淡水、三芝有藍天既機會會大好多！

我地都好多景點想影，大部分都係集中o係萬里果邊，所以詹Sir其實唔太suggest我地選擇萬里果邊既路線，怕天灰會影得唔係咁靚~ 但我地又好想去果邊影喎，詹Sir見我地咁難決擇，就話聽日朝早再睇天氣決定路線~

同詹Sir溝通完，鄧經理o係我地臨走前帶來一個好消息！就係青靖聽日8am可以幫我化妝，仲要係全日淨係serve我地一pair人，呢個真係big surprise呀！！！我仲開心到跳左起來添~ (原來她勸服原先搵青靖化既客人轉用梁總監+帶佢出街，所以我先可以「獨霸」青靖咋~)

晚上我地再到訪士林夜市食dinner~

檸檬愛玉冰 NT$30

超勁好好好味既芒果/士多啤梨牛奶冰 NT$90/each

烤花枝串 NT$35

烤鵪鶉蛋 NT$20

好味的熱狗腸NT$40

P.S. 之前o係香港join Package時係男化妝總監梁總監(一個勁假、cam cam地既男人)sale我地，好自然地book左佢做我地既化妝師喇！但我同事影完番黎同我share呢個化妝師好「唔掂」(人格平方面)，suggest我轉過另外一個，原因：

a. 佢會迫人買安瓶，唔幫佢買，會比「說話」你聽：「影結婚相唔好慳果少少錢喇！唔用我地d安瓶，你塊面實會敏感！」

b. 揀相時見到佢，佢會坐埋來「懶friend」咁，話「邊張靚」，叫你揀多d！你唔揀，delete左張相，佢會話：「咁靚你地都唔揀?！咁辛苦來台灣影結婚相就唔好慳果少少錢喇.....」

c. 男化妝師幫新娘換衫係極度唔方便！所以加$1500HKD請佢出街跟外景，換衫果度就要搵老公/自己搞掂！好似唔抵咁囉！

綜合以上原因，加埋我地join expo時都領教過佢既「黑面神功」，所以o係香港「做功課」時已經指明要轉化妝師，無論佢地d staff點講都好，我地都係堅持要轉用女化妝師青靖！

但點知我地去到高雄時，個梁總監打電話來「R撈」！頂~長途電話IDD「死lur」唔肯收線，如果唔係未影，我真係想「少」爆佢呢！佢仲懶好心咁話：「我驚你地搵青靖化，果日會好遲先出到外景呀！但如果你地搵番我，就可以1st pair化妝，咪可以早d開始影相囉！」，又話「我會好比心機化靚你架！」......我忍住道氣好有禮貌咁refuse左佢，佢臨收線前仲remind我：「唔好話比人地聽，尤其係秀玲姐佢地聽，我打過來搵你呀！」

為左我所損失既IDD費用，我決定要將呢件事share出來囉！