尋找註冊場地

之前參觀數碼港的「芝柏玫瑰教堂」，結果大失所望！所以我倆決定要再覓其他適合的註冊場地~

Expo時見到一間叫「丘比特教堂」的註冊場地，地點在灣仔MTR附近。那是一間純白色的教堂，有大水晶吊燈，感覺有點像關島的白色小教堂，看相片真的很grand、很美。可是價錢卻是「天價」，$8000才可以租用1小時還但未包括聘請律師的費用，換句話說，要在那裡辦註冊手續動輒要萬多元，太恐怖了吧！

P.S.後來在網上得知那間教堂將會結業，之前book了的新人幸好還能獲得退款。哈哈，我想必定是它們的價位定得太高，沒有什麼人「幫襯」吧！

我們真的不想在「伊甸園」或政府註冊處那種像「趕鴨仔」的地方進行莊嚴的結婚典禮......後來終於找到一間正式教堂 - 伯大尼教堂Bethanie Chapel，位於薄扶林，屬於演藝學院的場地。這裏屬於小型教堂，大約可以容納100名賓客，很適合舉行我們的「細己婚禮」-- 細細地、自己人來參觀的婚禮~

在這裏註冊不一定是教徒，可以找律師証婚，所以很適合還未受浸的我們~(我倆只是決了志，還未受浸。因為我們覺得還需要多些時間去認識神，不想為了在教堂行禮而倉卒找間教會「受浸」，決定婚後會多返教會)

由於非教徒/未浸的教徒也可在這裏行禮，所以伯大尼教堂的檔期一直很搶手。而且，它們的收費比起其他私營的所謂「教堂」合理得多，所以我們決定book這裏作為註冊場地~

租場費用: HK$3890 (4小時：9am-1pm或2pm-6pm) +15% serivce charge if on Public Holidays

* 租用場地時要一併預繳$5000 Cleaning & Damage Deposit (Refundable) 

* 設有電源、2' x 6' Reception table、CD Hifi player、數碼鋼琴可供借用

* 停車場只容納兩個私家車停車位，最大只可容納26坐shuttle bus

* 需自行聘請監禮人

* 可租用管風琴 HK$600，不包括師琴

* 場內不可飲食，但可租用包玉剛禮堂或露天花園招呼來賓，需自行安排茶點

* 不設新娘房

* 不設擴音器或音響設備

今天打了電話去booking，負責人樂小姐說12月30日下午暫時未有新人booking，已經替我們hold起了時段。她建議我們先參加它們於weekday舉辦的Wedding Site Visit tour後才下訂(教堂weekend多數外租了作結婚典禮，所以不會辦site visit)，但我倆現在的上班時間已轉為9-5pm，所以根本沒有可能參加weekday的site visit。

樂小姐又suggest我們可以參加每天舉辦的普通visit tour，但過程會有點「走馬看花」，重點不會放在教堂行禮的事項，比較著重介紹教堂的歷史等~ 她又說由於現階段只是hold了期，要待收到訂金後才算confirm，如果其間有其他新人比我們先下了訂金，那麼我們所hold的時段還是會被人「搶了」。

P.S.普通visit tour可以在快達票網站訂票：http://www.hkticketing.com/

由於之前已看過很多伯大尼的相片，我倆決定不作任何site visit，直接叫樂小姐send了quotation給我們簽名+send cheque for confirm booking。她說我們可以隨時致電查詢之後開辦Wedding Site Visit tour的日期，如果時間合適，可以報名參加，以便更了解教堂行禮的事項。

今天簽了quotation，明天就會去寄cheque呢！希望可以成功book到喇~

1st Trial @ Perfection

之前join「Perfection」的package時可以hold 10套禮服，final confirm款式前有一次fitting機會，可以到店試那10件已經hold了的禮服，如果某些不在現場，可以挑選不在holding list的禮服試穿，總之1st fitting total只可試10套禮服。

試完後可以更改holding list，hold你最所喜愛的10套gowns，於婚期前2-3個月，到店「任試」再final confirm款式。

約了伴娘Yen和Cyrus今天陪我去1st trial~

我之前hold了的兩套A-line wedding gowns碰巧外租了，所以今天未能試上身給兩位姊妹看看......但我真的超喜歡這兩套wedding gowns，所以我決定keep them in my holding lists~ 另外選了10套gowns試穿，有些還「靜雞雞」偷拍了呢~

期待final fitting那天可以「任試」靚裙~

粉紅公主袖ball gown (hold)

白色A-line小拖尾婚紗 (Out)

粉紅掛頸Deep V ball gown (Out)

漸變紫ball gown (hold)

閃藍layering ball gown (hold)

我們的家 - 簽了臨時買賣合約

aa

尋找Our Sweet Home (Part 2)

今日day-off，所以等Jay放工後又可以出動睇樓呢~ 哈哈，近來既活動應該係睇樓多啦！今晚就去左「南浪海灣」、「海典軒」同「嘉悅半島」睇樓。

未去睇前，我地兩個覺得果度交通還算ok，雖然係巴士尾站，可能冇位坐，但都叫做乜車都有，去香港、九龍、新界既都有，仲o係正樓下。起碼好過我住緊既富泰村先丫！講起又講，我好憎自己住緊果度，所以一定唔會徙錢買「聚康山莊」、「倚嶺南亭」呢d「公屋」私人樓！

先睇「海典軒」--> 哇！樓下大堂裝修靚到爆，同5星級酒店有得「fight」！點知一上到去睇先知原來果度近車站係「死路」一條，嘈到爆呀！！！夜晚如果唔閂窗根本冇可能訓得著！果個所謂既環保露台，真係可有可無，簡直係浪費間屋既實用面積，出面個view對住哂馬路，你都唔會有心o係個露台睇風景食塵啦！

樓下對正屯門公路入口同學校，想唔嘈都幾難~

哈哈，最搞笑係，上到去個個業主都閂哂個廳隻窗~因為可能佢地都覺得開窗太嘈，連電視聲都cover左掛！所以「海典軒」雖然睇左好多個單位，但都冇個岩~

跟住去左「南浪海灣」，雖然遠離d輕鐵站+公路，但都唔靜得幾多~呢度賣點係高樓底 +有落地玻璃窗，面積係3個屋苑中價錢差不多、但比較大既！呢度樓底高到可以放得落果d歐洲feel吊燈，望落間屋即刻闊落好多。落地玻璃似乎冇乜用，望出去d景又係......唉，打開窗又係好「應聲」下，下面仲有間學校添！朝早早會一定嘈爆，番「P」下下比佢地嘈醒真係想殺人！一定唔住得~

睇左果度其中一個海景單位，價錢+尺數都ok，係個海景麻麻，因為係中間「隙」望海，側邊比其他building阻左少少，唔似得「邁亞美」果d咁開揚......

最後去左「嘉悅半島」，係當中最遠離車站既。雖然話係最遠，但行路只需5分鐘路程，都acceptable既。可能遠離左路邊，所以係當中最靜既屋苑！可惜單位既實用面積比率唔係咁好，個廳好似好細咁。而且，價錢岩既單位，又唔係對正海景，又係側望果隻...... 所以都唔會考慮~

總結今日既經驗：「南浪」果邊可以OUT，因為：

1.太嘈

2.價錢ok既單位所provide既景唔算吸引(幾乎全部都向馬路)

3.尾站(搭車可能冇位坐)

另外，Jay亦明白我所講既「市中心人多會好嘈既意思」啦！雖然市中心交通係好好，但交通好既地方一定多車 --> 多車就會好嘈~ 唔向馬路既單位，就會係樓望樓 --> 變相冇哂privacy~ 所以，我地兩個都決定OUT埋市中心呢！

而家打算主攻碼頭「邁亞美」、「海翠花園」果d！每個地方都有佢既pros & cons，雖然果度係靜，但亦有佢既缺點，就係舊樓齡，起碼14、15年，搬入去住裝修都幾「金」架！

但無論係租、係買，有時間冇野做，睇下都冇仿丫！如果計計下買樓真係唔化算，而家睇樓既經驗都可以幫到我地遲d租屋揀盤丫嘛~~~

尋找Our Sweet Home (Part 1)

由於呢輪股市係咁升(30000點喇！真係好黐線！），所以d樓價又係咁升......初時諗住結婚後租樓住，等過多幾年先買樓，但而家咁升法，我地再唔買，過多幾年真係買唔起啦！所以局住「啦啦林」去睇樓~

之前同Jay d屋企人傾過，佢地都肯借錢幫下我地，但就建議我地買屯門市中心好d！話有升值潛力喎~ 但我鍾意住向海景既單位，所以我就prefer碼頭/南浪海灣果邊多！

佢屋企人又話買樓最緊要係有冇得升值......我真係唔明點解佢地成日都諗錢錢錢.......買市中心係人係鬼都知道方便，但都要個人住得舒服先得架?！放工番到屋企都要去d咁多人既地方，仲要屋望屋「密質質」全無私人可言，真係屋企唔開電視，望向隔離屋「黐」電視睇都得！做人點解要咁辛苦呢?！放左工都要咁大壓力！唔通真係為左升值就應該咁樣過一世???

尋日我地去左碼頭「邁亞美」睇樓，我自己就好鍾意個位置，果度有海景，近碼頭車站，又近附近d食肆，真係幾方便架！上到去睇左幾個單位，雖然唔算大，但o係屋望出去既環境就好舒服啦！放左工真係需要呢d寧靜自然既環境比自己心寧靜下、休息下~

從屋內睇出去，可以見到180度既海景呢！

Jay都好鍾意「邁亞美」呀~睇完樓後連佢自己都覺得間屋既view好緊要，會影響到人既心情！

哈哈，我同佢講，如果買市中心都得，但一定要>600尺既單位囉！市中心已經人多、密度高，如果連間屋都鬼咁細，生完仔我一定會產後抑鬱丟個仔落街！佢知道以我咁emotional既性格，真係有可能架！順手問下agent市中心600零700尺既單位幾多錢，agent話預$2400-$2700/尺，睇view同間隔而定。計一計數，600尺 x $2400 = $140萬~哈哈，咁貴，唔洗諗呢！Out得！

呢期放工後都係日日去睇樓多，盡量睇多d唔同既單位先決定~