我們的3V婚紗照~

o係3V影完相差唔多一個月喇！今日終於得閒同Jay一齊上去睇相~ d相影得唔錯呢，室內既就「麻麻」，但室外既真係幾靚~

哇！原來total影左成168張咁多呢！哈哈，真係好抵呢~ 個package原先只包100張相，而家多左果d都會全部比哂我地呀~

由於太多相既關係，所以加錢整多兩本12吋相簿(每本加RMB $380)，其中一本仲upgrade左整水晶封面呢 (upgrade水晶面加RMB $230)~ Total就會有3本12吋相簿同1本7吋相簿，大約可以入95張相呢~

深圳3V影相日

好好好好玩呀！！！今日係我同Jay第一次正式影婚紗相呀，雖然好疲倦，但真係好開心！！！

今日9:15am去到3V化妝-->8:30pm先番到3V呢~~ 倦死人啦~~~

住宿篇

之前睇深圳天氣報告話今日：「多雲有雨」，所以未影之前都幾擔心今日既天氣呢！

我同Jay早左上深圳，諗住小休兩日抖足精神今日影相！睇新假期d旅遊書介紹，book左間平酒店住---如家快捷酒店(深圳口岸店)，行去3V都係10分鐘路程咋！ 我地住既係「商務大床房」$219，都幾靚+乾淨架，有哂牙膏、牙刷、拖鞋提供，仲有張6尺大床呢！

如家快捷酒店外貌

酒店房間很乾淨企理，$219/night算很超值呢！

房間有蒸餾水機，飲水就衛生得多呢~

酒店樓下有間食肆有得食d地道小食，價錢平得來，味道仲唔錯添呀！「懶鬼」既我地緊係o係樓下食完就番上去「覺覺豬」抖足精神準備第日影相喇！

點知我地住果間酒店好嘈呢，6am對面地盤已經開工啦，間房好似零隔音咁，所以我地訓得果3、4個鐘...... 我諗係我地向住工地既問題，向另外一邊應該可以好寧靜咁一覺訓到天光呢！

未訓前我地兩個好似白癡咁對住塊鏡練笑，又抄d台灣相高難度pose練習...... 哈哈，原來冇乜用呢......  一對住陽光哂住個頭殼頂，就已經笑唔出啦~~~

6am一起來，就「啦啦聲」拉開窗lim睇下出面既天氣：「有藍天，少少白雲，但又有少少黑雲」，我地兩個就祈禱，千萬唔好落雨呢！！！

扮靚靚篇

3V服務小姐Lily尋晚打來約我地9:15am到3V，我地當然唔敢遲到啦！！9:15am準時上到去~~~

上到去，哇，原來3V個個staff已經開緊工啦！劉政佢地用緊電腦執相，服務小姐YoYo、化妝師彩雲、同禮服化妝助手路屏，都已經準備好哂！我不禁懷疑佢地究竟幾點開工既呢??!! 真係唔洗休息既??!!

彩雲好快手咁幫我化左個底妝，唔知係咪未見過自己化濃妝個樣，我同Jay都覺得怪怪地咁~~ (哈哈，好彩後來睇攝影師劉政DC d相先知道d妝影出來唔濃架）

跟住我就去揀衫啦~~~ 我揀左1套長拖尾婚紗、1套小拖尾魚尾婚紗同1套粉紅色晚裝。但我比個model公仔吸引左，好鍾意個公仔著住果套公主衫呀！！！好想好想影埋呢套衫~~~ YoYo小姐好好人，比我加$200加多呢套宫庭公主衫影室內，仲送多左個造型比我，等我可以一圓我個「公主夢」呢！！！所以我有2套室內(宫庭公主衫+粉紅晚裝）、長拖尾婚紗影公園、小拖尾魚尾婚紗影海灘呢~~~

揀完衫後，就繼續化埋個妝呢~ 今日冇另外一pair新人，淨係有另外一個香港女仔影單人照，所以化妝師彩雲都唔算太忙！Jay好擔心佢d暗瘡印會遮唔哂，但結果路屏都幫佢遮得好好，at least唔會見到一粒粒突起哂丫！

Studio篇

準備就緒就先開始影室內棚景，我地兩個都好緊張呢！d燈照住我地頭殼頂，加上棚景內冷氣不流通，我地影左一陣已經出哂汗呢！真係唔敢想像一陣出外景時會有幾「濕」！

彩雲幫我做每一個造型我都好喜歡！！！襯粉紅色晚裝，佢就幫我用電髮捲好好心機咁電lun哂成個頭d頭髮，好靚、好自然呢~

跟住就換宫庭公主衫，哈哈，雖然Jay話我有d衣不襯身(因為我好矮、膊頭好A，又冇乜身材，所以carry得套衫唔靚)，但為左做下公主，我都唔理得咁多啦！ 況且，我相信劉政大師一定可以「就」角度影我得靚靚既~ 呢套衫彩雲幫我set左個高貴feel 既頭，哈哈，有d睇唔慣自己咁成熟既樣呢，但好鍾意佢幫我加左頂王冠呢！！！

我最愛既「公主」look~ 彩雲幫我set左個很靚既頭呀！即刻grand哂~

好不容易影完哂室內景，已經係lunch時間啦~~~ 但因為：

1. Girdle cool得我好辛苦，勁緊，食野一定會頂住個胃~~~
2. 我唔識得點樣著住套「長賴賴」既婚紗去廁所，我驚我會整到污糟哂~~~
所以我唔敢食野，連水都唔係好敢飲...... Jay好衰呢，佢仲笑我話佢去廁所就方便過我好多，所以會狂飲水補充水分咁話......

等佢飲飽食醉後，大約2:30pm我地就出發去影外景啦！！！出面個天已經灰灰地，真係要爭取時間呢！！！ 

外景篇 -- 洪湖公園

哈哈，本來Package寫既係去「東湖公園」，但唔知點解會車左我地去「洪湖公園」，唔知係咪同一個地方，只係譯音唔同呢?！反正劉政o係邊度都可以影到靚相，我地就冇去諗點解了~

撞岩洪湖公園有荷花展，哇！！！一眼望過去有好大好大好大既荷花池呀，雖然冇乜花開，但淨係見到咁多荷葉已經覺得好壯觀啦！好期待睇下劉政幫我地o係荷花池影既相呢~

唔知點解雖然天上有灰雲，但陽光依然好勁，哂到我地係咁滴汗。我d汗仲勁過Jay，哈哈，彩雲都笑我：「哇，你好大汗呀~ 妝都快溶掉囉~」她不停用tissue幫我地兩個大汗怪擦汗，真係辛苦哂佢呢~ 彩雲真係勁細心！！！

好不容易先拍完公園景，我地個妝都溶左一半呢~ 跟住就要join埋影單人照果個香港女仔去最後一站：溪沖海邊

外景篇 -- 溪沖海灘

去溪沖海邊要成個鐘頭車程，一上車冇耐我就倦到訓著左，一起身mum大眼就已經到左啦！見到大海呀，好大浪呀~~ 仲有清涼既海風~ 同頭先公園濕濕局局既感覺完全唔同，當堂成個人生猛哂！

岩岩到海灘落車，預備轉/補妝~ 我地兩個都熱到傻左呢！塊面出哂油~ 

溪沖海邊周圍泊滿哂攝影公司既Van仔，落海灘一睇，真係唔野少，成個海灘望通去都有好多小白點，大大話話at least有20 pairs人o係度影緊相，真係插針都難呀！

劉政叫我地兩個拖住手o係沙灘跑，真係好高難度呢！我條裙又窄又長，每踩一步都會向下沉，差d pk呢~ 跑左好幾次，已經好疲倦，好彩終於有一take劉大師肯「收貨」！

劉大師叫我地做左好多高難度動作(對於兩個長年唔做運動既人來講，真係好大運動量)，又R腰、pak o係沙地、要Jay抱起我...... 但每次佢影到覺得滿意既相，都會拎過來比我地睇，睇完真係驚訝到我地O哂嘴+「哇！」一聲叫左出來！！！完全好難想像一個唔靚+堆滿垃圾既沙灘，可以影到好似外國d沙灘feel，劉政真係好好好好掂呀！！！有輯咁靚既婚紗相，我地覺得就算今日幾辛苦，濕哂身都係值得呢！！！

Sharing~

最後，經過今日既拍攝，想o係呢度分享一下我對3V既一d感想呢~

未影相前，我一直擔心自己join既係平價plan，擔心會冇其他新人咁好service...... 但原來我既擔心係白費既！！！

3V每個工作人員都好用心幫顧客拍照，無論你比幾多錢都好，佢地都會用最大既努力去「訓身」幫你影靚相！(哈哈，劉政訓身幫我地影相既次數，仲落力過我地兩個呢！) 當然，貴plan有佢貴既地方呢，d景真係靚到引死人呀！我會努力儲錢下次去更靚既景影相啦！！！ 

首先，我地最多謝攝影師劉政！佢對我地d相要求好認真嚴格！Jay成日「假笑」，劉政就不停影同一個shot直到我地兩個既表情令佢滿意為止！o係海灘有個shot，閃光燈配合唔到，佢就影左20幾takes直到滿意為止！我地都覺得佢真係好pro、好尊重每位客人，不惜自己辛苦一d，都要幫客人影到靚相！！！讚讚讚~

化妝師彩雲真係好好，幫我做左4個完全唔同既造型，仲要個個都好鬼靚呢~ 冇話因為我join平plan就求求其其！跟外景其間仲照顧得我地好周到，我地一有少少汗，佢就會不停幫我地擦汗，我知道其實佢都係一樣好熱呢~ 讚讚讚~

服務小姐YoYo同Lily，兩個都好nice、好helpful，又好主動同我地傾偈呀！哈哈，可能我地兩個比較怕羞同慢熱呢，所以影完相先開始同佢地熟落d~  讚讚讚~

仲有好多謝禮服化妝助手路屏小姐，好多謝佢幫我地揀衫，又不停幫我地換衫同拎野，最後仲幫我地手吹泡泡！！！讚讚讚~

攝影助手(冇問到佢個名呢)，好努力幫手remind Jay點樣擺pose，又走來走去幫我地打燈~ 佢好慘呢，o係公園比蚊咬左好多啖呢！讚讚讚~

我諗呢d就係佢地點解堅持1：1拍攝，唯有咁先可以做到每對新人都可以服侍得好周到！

今日真係辛苦哂3V各位員工，你地辛苦一日，就換來我地兩個一生中其中一段最珍貴、最開心既回憶！！！Thank you very much to all of you~

訂造了男禮

在深圳3V join了package後，我們就回尖沙嘴去看賣男禮的舖頭。

在esdlife看了很多forum，當中有姊妹推介一間叫「法國情懷」的舖頭，說有男禮賣，售價也算acceptable，所以我們即管到那裡看看~

http://www.flowercitywedding.com/course.htm

「法國情懷」的舖位在尖沙嘴其士大廈，那個商場十室九空，他們的舖頭實在很細、很不起眼。(P.S.現已遷往新舖：尖沙咀東部麼地道 67 號半島中心 1/F 180號鋪）

雖然他們舖位細細，但也有客人正在試衫，好像很旺似的！老闆娘黃小姐很nice呀，給了一本sample 相簿我們看，叫我們先看一下款式。

起初我也以為他們的舖頭是出售2nd hand男禮的，怎料一問才知他們賣的是全新的貨！！！但價錢卻跟租的差不多呢~ 什至還包括了西褲、背心和豬腸呔呢！(除了恤衫外，整套男禮的配件也都包括了)真的很抵呀！

我們真的很多心，差不多每個款式也想試試，黃小姐很好人呀，任由我們試到喜歡為止！

最後，我們選定了兩套男禮：1黑1金~ 除了用來big date那天著外，Jay也會帶過台灣拍婚紗照時用呀！(台灣婚紗公司的男禮都很醜呢，選靚一點的又要加價，而且動輒也要加HKD $500-$1500來租呢！)那麼我們又可以省掉租男禮的錢了~

由於Jay的手比較長，全身的現貨手袖又沒有那麼長，黃小姐說可以幫他度身訂造~ 原以為價錢會貴很多呢，怎料只是每套禮服多加$30元的改衣費！！！哈哈，另外，黃小姐還很好人地給了我們9折 discount呢！！！訂造兩套合身的男禮才不過$1678~

Join了深圳3V攝影Package

尋日同Jay上左深圳睇下羅湖城d造衫舖，諗住格下價，訂造男裝禮服~

點知一上到去就落大雨，我地得一把縮骨遮，仲要一開就爛既...... 所以淋到我地成身濕哂，真pk！果度d舖頭仲間間都好似黑店咁，d款又唔得喎...... 唉，都係唔好貪平，番香港整好過！

敗家既我，抵受唔住魔鬼既誘惑，又o係大陸訂左個影相package呢~ Jay都冇我付喇！

哈哈，又唔係貴，~$2888有成100張相喎，香港台灣都做唔到喇！咪當影多輯practice下囉~ 26/6就影喇！希望到時好天，唔洗改期喇！

呢間d package都幾平，style都幾似台灣，當玩下兩個人去影番輯都諗得過架！

http://www.3vwed.com

Package價錢$2888 (呢個價錢亦係「賣單價」，package包哂所有野，所以唔需要額外加錢！比較麻煩既係要自己上去拎製成品，冇得速遞DHL送貨)

• 新娘、新郎禮服、化妝+造型 x 3個 (落訂時睇過d禮服，好多衫可以揀，最正係d男禮真係好「得」！一豪子都唔洗加！)


• 化妝師拍攝其間全程跟妝


• 攝影師全程1對1，拍攝1天 (大陸好多公司都好terrible，1對2-6 pairs新人都夠膽死）


• 拍攝100張相片，相片File全部贈送in CD-Rom (所以唔需要額外加錢買相，全部當日影既相片都會比番哂我地)


• 拍攝地點：東湖公園園景、室內studio、溪沖海灘


• 12吋無縫壓版相簿 x 1本 + 7吋無縫壓版相簿 x 1本 (可以由果100張相，揀大約40張我地覺得比較靚既相比佢地執相+美編入相簿)


• 30吋熱裱油畫 x 1


• 10吋水晶相 x 1


• 8吋熱裱油畫 x 1


• 包當日專車接送

Book了台南「紐約時尚」婚紗相package~

大約3月開始已經o係esdlife做定功課，睇左好多不同台灣公司既topic做比較。原本打算去台北影，但o係「做功課」期間睇到「紐約時尚」(下簡稱NY) forum d sharings都幾positive，加上其他已經影左既姊妹好願意share佢地d相比我睇，真係影得幾靚呢！所以心郁郁想去台南果邊影相~

http://www.ny1999.com/index.php

由於miss左之前佢地九龍灣既expo，所以唯有「膽粗粗」咁打比佢地HK分區經理曾小姐問package既野。o係同曾小姐電話連絡既期間，我地諗住去expo格下價先再決定join邊間。哈哈，點知去到比台北「薇薇新娘」(下簡稱ViVi)咬住唔放，「tum左落答」join左package~

後來，曾小姐打電話比我，知道我o係expo join左ViVi都唔會話突然冇哂「癮」，好想cup我線咁，反而好好人咁教我台北影時有乜地方要注意小心，唔好有機會比d奸商呃到錢~ 佢真係幾好人呢！

我都有同曾小姐講：「我都係睇下價錢O唔Ok先，因為我都join左ViVi，如果真係我地afford得到，我先會考慮呢~」曾小姐好好人，同佢接觸其間完全唔覺得有「迫」join既感覺~

其實join左「薇薇」後，我個心一直仲係勁想去台南影，所以去左問「藏愛」價錢，但睇完佢地d相板+價錢(

藏愛好$$$呀！)，我都係打番比曾小姐，問佢package果度可唔可以「優惠」d，如果價錢合適，就可以join埋佢地公司去台南影丫嘛~

以我join左兩間來睇，一間台北ViVi，一間NY，我地比較buy NY既營商手法，唔似ViVi咁會迫人join package，只係introduce information to us。最後曾小姐亦好好人咁offer左個幾滿意既價錢比我，所以我同bf決定約佢今日出來再detail d傾下~

佢約左我地o係尖沙嘴等，諗住搵間coffee shop慢慢坐低傾下，後來我地就去左「麻布工坊」食住甜品傾package。諗住埋單時請埋曾小姐，點知佢話公司規定同客人接觸時既一律洗費都係由公司支付，所以堅持呢餐出「公數」請我地。

果刻我同bf都心諗：「希望去到台灣時真係做到包3餐喇，咁就慳唔少lu！」

Package Price HKD $8880

• 兩天全日婚紗攝影(內+外景) (可自選景點。但某些遠離高雄、屏東既景點需另外加費)
  
• 新娘禮服+造型 x 7個 (不分區可任選)；新郎禮服 x 7套
  
• 40張相
  
• 18吋相簿 x 1 (滿版連美編)
  
• 30吋油畫連框 x 1
  
• 50吋迎賓海報 x 1
  
• 黃金喜帖 x 10張
  

比較特別既係，佢地仲包：  

• 機場/高鐵站來回接送
  
• 酒店<-->婚紗舖接送
  
• 拍攝其間的3餐膳食
  
• 外景車費
  
• 造型師全程跟外拍- 加挑相片HKD $220/組



另外要付費既地方：







• 安瓶 HKD $130/支


• 兩日外景指定比較遠既七股鹹山(加HKD $700)同墾丁(加HKD $500)


• 相片速遞費用(暫時未知道，估計約HKD $500左右)

格價專員 -- Book了台北「薇薇新娘」婚紗相package

忙了大半個月，終於敲定了拍婚紗照的日期了：

10月8-9日：台南墾丁、鹽田、高雄拍攝；

10月12日：台北市拍攝~

這段時間，光是上網看不同的forum格價也花了我大半個月的時間，Jay也讚我這個「格價專員」很稱職！接下來的其他事項，就要等6月尾出了通勝、擇了吉日後再想了~

說起拍婚紗照，奉勸各位暫未有意結婚的朋友，千萬不要「貪得意」到那些台灣的婚紗展去！因為他們就像「來來曱甴屋」一樣，你們真的會「有入無出」，很容易會被他們說服join package~

以下是我們5月6日到九龍灣展貿看婚紗展的經驗：

看過很多forum都說婚紗展last day會有最多offer (因為參展商都希望臨走前盡可能多做生意，所以會減價/送多些東西)，所以我們選了last day的下午去，希望可以bargain到多些東西！

一進場就是「薇薇新娘」的counter了，他們把一張廣告單張硬塞到我的手裏，跟著就硬拉著我和Jay到他們的counter去。我們很客氣地推說想先走一圈看看，回來再仔細點看他們的counter。但他們的sales更客氣地說：「沒有關係呀，你們先坐下看看我們的介紹，然後再到其他商舖看都可以呀！」被迫著坐下來聽他們介紹、看相板，其間我的心一直想離開...... 因為我今次到九展最主要是想到「凱瑟琳Catherine」的counter格價，之前Jay有朋友就是找他們拍照，效果真的很好很美呀！

在「薇薇新娘」坐下來後，就有個看來好像gay佬的男人來sale我們了，他說他是化妝總監梁Sir。

P.S.台灣的婚紗公司都喜歡稱他們的職員做什麼什麼Sir、什麼什麼主任、什麼什麼總監，所以不要以為當總監的就很「巴閉」呀！以「薇薇新娘」為例，化妝師只有幾個，當中這個男人年資比較多，就被專稱為總監了......

他一開始的開場白真的很土，離不開讚我們「靚仔」、「靚女」，又說「你地既身高比例真係好喔！女仔d皮膚又靚、又白淨，真係好想幫你地整造型呀！」千萬不要把這些客套奉承的話信以為真，占占自喜地「落答」join他們的package呀！台灣人的面孔都很假呢~

他們原本的package是HKD $11000，包括30張相和其他「林嬸野」。

Original Package $11000

• 30張相


• 18吋相簿 x 1 (滿版製作)


• 24吋油畫連框 x 1


• 娘家本 x 1 (包括22張相)


• 謝卡 x 2盒


• CD-Rom x 1隻


• 新娘：5套禮服+造型 (不分區任選)；新郎：1黑1白

但不用兩句，那個什麼梁Sir就說：「今日同你地咁有緣，比個好d既價你地啦！！！」(好假......) 跟著就不停劃宣傳單上面的字，價錢一劃就減到$8800，相片數量又一劃變到38張，其他如造型那些「林嬸野」又是不停地劃然後加多一些給我們。

減價至$8000

• 38張相


• 18吋相簿 x 1 (滿版製作)


• 娘家本 x 1 (包括22張相)


• 掌中本 x 1 (包括22張相)


• 12吋桌上框 x 1


• 30吋油畫連框 x 1


• 黃金結婚証書 x 1


• 親友卡 x 10張


• 黃金喜帖 x 10張


• 謝卡 x 6盒


• CD-Rom x 1隻


• 氣球 + 煙花


• 新娘：6套禮服+造型 (不分區任選)；新郎：1黑1白

這時千萬不要以為「執到野」「喇喇林」付錢join他們的package，根據我做的research所講，這時才是bargaining time的開始，還可以bargain到很多東西呢！所以我們不停說「我地睇下先啦，比較下先，唔該哂呀！」哈哈，事實上我們亦真的沒有心想聽他們說下去，只想快些離開去看其他我們有興趣的商舖。

跟著，他們就以為我們對他們的「減價」不滿意，繼續不停遊說我們，又不停找其他影過的香港新娘來跟我們說他們在薇薇影相有多開心、他們的服務有多好呀...... 我們不聽她們說又好像很無禮...... 總之就是起不到身「走人」......

最後，經過多次pat pat半離凳後，他們最後把Package減價到$8000~

減價至$8000

• 45張相


• 18吋相簿 x 1 (滿版製作)


• 娘家本 x 1 (包括22張相)


• 掌中本 x 1 (包括22張相)


• 30吋油畫連框 x 1


• 12吋桌上框 x 1


• 黃金結婚証書 x 1


• 親友卡 x 20張


• 黃金喜帖 x 20張


• 謝卡 x 6盒


• CD-Rom x 1隻


• 氣球 + 煙花


• 新娘：6套禮服+造型 (不分區任選)；新郎：1黑1白

我們還是不停說要走，那個梁Sir的面口開始變黑了，又不停串我說：「你地冇心想聽我地講，我地講咁多都係冇用架喇！我地不停講，你就淨係識得唱同一支歌，不停唱"睇下先、睇下先"，有乜要睇丫?!你地有乜唔滿意咪講囉！我地再同你解釋囉！」好似想迫我們join他們一樣！我們不join他們，就好像是我們不對！這時一定不可以心軟呀！！！我跟Jay都堅持要走，眼看其他附近的檯，每pair也頂不住他們的「銷售技巧」掏出credit card付錢了！哈哈，不得不讚一下我們自己夠定力呢~ 但就算你們不join他們，也要清楚記住他們的final offer是什麼，因為他們那張劃花哂的宣傳單張是不允許你們拿走的，怕你會公開給其他人知他們的「底線」，那他們想厄其他傻瓜就很難了！

離開「薇薇」後，我們不敢再停下來聽其他公司的介紹了，只是朝著「凱瑟琳」counter走去。「凱瑟琳」價錢方面真的偏貴，根據我online做的research，拍攝30張相片(還未包括租車拍外景的車資HKD $500、指定攝影師HKD $1250、請化妝師跟外拍HKD $1000)已經要NT $31800了(大約HKD $8000)！加錢指定攝影師是一定的喇，因為「凱瑟琳」有兩位攝影師是「大師級」，保証可以拍出效果好的照片，到該公司拍照的99%都是找他們兩位操刀的~ 一生人一次嘛，這千多元一定不能慳的！換言之，拍攝30張相片 at least要花費$10000大元呢！！！好貴呀！

「凱瑟琳」的counter前堆滿了人，很明顯他們的名聲真的很大呢！Sales們也沒有空招呼我們，所以我們扮「隨便看看」，不停番閱他們的相簿，希望可以引起sales們的注意，但其他新人也是用這一招，所以我們得在counter前等待avaliable的sales了~ 等了10多分鐘，終於有sales來招呼我們了！

原本以為他們會好像「薇薇」一樣死纏難打，不停減價，但這次我們錯了...... 他們的價企得很硬，一張相也不肯多送，最多也只能送我們一本細相簿和一些謝卡...... 天呀！差不多$10000大元只包括30張18吋相連水晶無縫相簿、一張24吋油畫、5個新娘造型+2個新郎造型，最多加送一本細相簿和謝卡...... 對比「薇薇」$8000所包的，真的相差太遠了~ 我們唯有出動「起身走人」這招，怎料他們沒有留人，只說：「有興趣歡迎你地番黎搵我呀~」

跟著，我們就到另外一間target商舖「藏愛」。「藏愛」在台灣有兩間分店，一間在台北、一間在高雄。我一直也很想到高雄那邊拍照，因為可以到墾丁影我最愛的陽光與海灘呢！

走到「藏愛」的counter，就接到他們一張宣傳單張說：「台灣浪漫攝影之旅 -- 雙人機票 + 酒店 超值特惠 HK$9888」真的很吸引呢~ 坐下來後，sales先是不停給我看相板，有台北的、高雄的、墾丁的、鹽田的...... 看了大半個鐘，她才開始介紹價錢......

原來$9888的package只包括20張相片咋！機票、酒店如果我們自己另買才~HKD $3000，即拍20張相大約值HKD $7000...... 以台灣普遍婚紗公司extra購買一張照片~HKD $200來計，多買10張相片已經要多付$2000大元了......  總結來說，都是一個字：「貴」！

雖然他們另外有50張相的package，還包括去鹽田拍照，但也要HKD $13000呀！太貴了~~~

所以最後........ 最後....... 我們都是決定「番兜」「薇薇」了~ 人總是不能跟錢作對嘛......

那個假面gay佬梁Sir一見到我們回來，就懶興奮地跳起來，握著我的手不停說：「真係好開心呀！你地真係番黎呀！我真係好鍾意你地咁有信用呀！好鬼鍾意你地呀！」頂......好像忘記了我們走時你的嘴臉有多難看呢！他實在是太興奮了，所以另外加送了我們一些東西~~ 算是賺到喇！

最後成交價$8000

• 45張相


• 18吋相簿 x 1 (滿版製作)


• 娘家本 x 1 (包括45張相)


• 掌中本 x 1 (包括45張相)


• 50吋海報 x 1


• 50吋簽名綢 x 1


• 30吋油畫連框 x 1


• 12吋桌上框 x 1


• 黃金結婚証書 x 1


• 親友卡 x 20張


• 黃金喜帖 x 20張


• 謝卡 x 6盒


• CD-Rom x 1隻


• 氣球 + 煙花


• 新娘：6套禮服+造型 (不分區任選)；新郎：1黑1白

P.S.另外收費

1. 外拍租車(的士)費用，NT $1500 for 5小時，之後每小時NT $300；如帶MUA跟拍，會轉用大車，車資為NT $500/小時


2. 安瓶 (即打底的定妝液)，每支NT $500


3. MUA跟外景費HKD$1250 (普通化妝師)；HKD $1500 (化妝總監)。如不帶MUA跟拍，造型只會轉換頭飾，由攝影助手幫忙補妝


4. 加挑相片每張HKD $200


5. 運費 (估計~$500HKD)


6. 加租男士背心、有花設計之西服要另加錢upgrade


7. 全組攝影隊連新人的外拍景點入場費


8. 哈哈，還有就是攝影隊飲飲食食on the way的洗費，沒理由只有我們自己吃，那麼「小家」lunch、飲品也不請他們吧...... 如果不請，我怕他們會拍得不好呢！

在「薇薇」慳到了，我們還有burget可以到台南join另外一間婚紗公司 -- 「紐約時尚」的package呢！雖然這間公司這次沒有參展，但網上很多新人也讚他們的價錢、服務、質素好！所以我們自己致電他們香港office的經理「問價」。當然未打電話給那個經理前，我已經做了資料搜集，知道大約價錢是多少、可以bargain什麼東西等等喇~

每次電話交談也要表現出「諗下先、同男朋友商量下先」的態度，我更不介意讓她知道我已經join了「薇薇」，會不會再另外幫襯他們公司，要先考慮他們的offer是否吸引。

哈哈，最後我也bargain了一個很好的價錢，還可以分兩天拍攝外景，到我最喜歡的墾丁和鹽田拍照呢！這間公司比「薇薇」還要便宜，因為他們的價錢是全包的，不用另外付車資等等，還包我們拍攝那兩天的3餐和酒店接送呢！

結婚......真煩

Jay終於跟他媽媽說了我們打算下年結婚的決定，他父母都沒有反對，只是擔心他婚後「無啖好食」，因為我是個地獄廚神嘛！

上星期開始，我已經跟auntie上cooking班，學識了「炒蛋」和「綠」菜 (雖然是很簡單，但我真的不懂嘛~)，原來也不是太難丫~ 只是我站得太近，經常被油彈到，很痛呢！

計畫結婚，第一件事就是儲錢~ 一向是「大花筒」的我已經乖乖開定了一個儲蓄戶口儲錢了(已經有5位數字了，呵呵~) 原來儲錢不難，怎樣「洗錢」洗得精明才是最難！

這幾天都不停黐著電腦看不同的forum，為的是要搜集台灣不同婚紗攝影舖的資料。不停的看其他新人的sample photoes、評語、package價錢等...... 很煩呢！

看得越多，又越花多眼亂~

很想去「青樺」拍婚紗照，又怕價錢太貴；去幫襯便宜一點的商店嘛?! 又怕拍得一團糟。問Jay的意見，他又說：「沒有所謂，你鍾意就行了」，把那個波又推回給我~

唉...... 結婚真煩！